澳洲旅遊簽證知多啲
Line免費諮詢 WhatsApp免費諮詢 早前香港政府終於放寬咗回港嘅隔離政策,加上好多國家例如澳洲、泰國等都已經開放關俾旅客入境,相信好多香港人已經心郁郁好想去旅行。今次思安小編就想同大家講吓而家澳洲三個唔同類別嘅旅遊簽證,同埋佢哋有咩分別。等大家想澳洲旅行探親嘅時候,知道自己應該申請邊一種簽證!想嚟澳洲親親大自然嘅你地就要繼續睇落去啦~ 三類旅遊簽證 (subclass 601) 除咗澳洲公民之外,任何原因想入境澳洲嘅人都要喺出發前先申請簽證。喺抵境過海關嘅時候,旅客必須要持有有效嘅簽證先可以入境澳洲。現時澳洲主要嘅旅遊簽證有三種,分別係: 電子觀光簽證(子類601) 電子旅遊簽證(子類651) 觀光簽證(子類600) 要知道自己應該申請邊一種簽證,就要取決於旅客想逗留喺澳洲嘅時間、申請人本身所持有嘅護照同埋去澳洲嘅訪問目的。一般嚟講,呢三種旅遊簽證都允許簽證持有人喺 12 個月內多次出入澳洲,而大部分簽證申請人每次都可以喺澳洲停留最多三個月。 但喺某啲特殊情況下,例如因為疫情而出唔到,申請 subclass 600 簽證嘅話就有可能可以逗留長達 6 – 12 個月。 電子觀光簽證(子類601) Electronic Travel Authority visa (subclass 601) 電子觀光簽證亦即係香港人最常用嘅ETA,持香港特區護照或者BNO都可以申請。要注意嘅係,ETA只可以喺澳洲境外申請,所以出發之前一定要記得先喺網上申請。 申請過程非常簡單,只用下載Australian ETA App,跟住提示一步一步做就申請到。而且ETA簽證係無簽證費嘅,只要俾番20澳幣嘅申請服務費就可以。 電子旅遊簽證(子類651)eVisitor (subclass 651) 電子旅遊簽證只係適用於持有特定歐洲國家護照嘅旅客。申請651簽證唔需要俾任何費用,而簽證批咗之後申請人同樣可以喺 12 個月內多次出入境澳洲,每次逗留時間最多三個月。 觀光簽證(子類600)Visitor visa (subclass 600) 而觀光簽證則係適用於所有國籍嘅申請人,簽證批咗之後申請人可以用旅遊或者商務目的出入境澳洲。而且喺特定嘅情況下,申請人可以係澳洲境內逗留最長12個月時間。不過呢個簽證係要俾簽證費嘅,境內申請嘅話370澳幣起,境外申請就平啲,由145澳幣起。 最後要記得留意番,而家澳洲嘅旅遊簽證只開放俾打咗兩針疫苗嘅國際旅客,所以未打齊針嘅旅客想要入境仍然係要申請額外豁免㗎~ 如果有其他對於喺澳洲留學或者同簽證相關嘅問題,都歡迎透過思安官方WhatsApp聯絡我哋,我哋會安排專業嘅顧問團隊同你進行免費諮詢! Line免費諮詢 WhatsApp免費諮詢 相關連結 澳洲電子簽證ETA申請指南 澳洲在2022年2月21日開放旅遊簽證持有人入境,此外,台灣護照現在也可以申請ETA啦! 今天思安小編就來告訴各位如何申請澳洲ETA! 你的姓名* 你的國籍* 你的信箱* 你目前是否在澳洲境內?*…